Þann 5 janúara síðastliðinn birtist pistill á vefsíðunni fotbolti.net undir nafninu "Varúð lið með sjálfseyðingahvöt".  Þegar svona grípandi fyrirsögn birtist þá að sjálfsögðu kíkir maður á það og les.  Þegar ég var búinn að lesa þennan pistill þá sá ég hlutina í nýju ljósi.  Hluti sem ég hafði áður séð öðruvísi.  Ég er að sjálfsögðu að tala um hið leiðinlega mál Evra vs Suarez.  Eins og hann kemur klárlega inná í þessum pistill þá sagði Suarez orð sem hann hefði betur sleppt því að segja.
 
Framkoma Liverpool í þessu máli var til skammar á eiginlega allan hátt og einnig var félagið bara í tómu tjóni mest allan tíman sem þetta mál fór fram.  Enda voru þeir að verja málstað sem flestir hafa fyrirlitningu á.  Það að leikmaður þeirra hafi gerst sekur um kynþáttafordóma er alvarlegt.  Að sjálfsögðu ver Liverpool manninn en hins vegar er alltaf spurning hversu langt það á að ganga.  Þeir eiga klárlega að redda honum þá hjálp sem honum vantar.  En að fara í fjölmiðla og reyna sverta mannorð Evra er auðvita ótrúlegur asnagangur og ekki í takt við minn skiling á the Liverpool way. Ef Liverpool hefði viljað vinna þetta mál hefðu þeir að sjálfsögðu sannreynt sínar sögur, áður en þeir færu til dómarans.  Að auki myndu þeir ekkert tala um þetta mál í fjölmiðlum, enda gæti það komi illa út ef Suarez myndi dæmast sekur.  En hann varð auðvita sekur og því mun Liverpool líta rosalega illa út.  Það er ekki hægt að loka augum fyrir því að Liverpool varði mann sem var ásakaður með kynþáttaníð gagnvart svörtum manni. Það eitt og sér ætti að vera nóg til að reka PR fulltrúa félagsins.  Þetta er ótrúleg mistök og algjört klúður frá upphafi til enda.  Á endanum hefur Henry og co sem eiga félagið tekið í taumana og bannað því að áfrýja og að verja vonlaust mál frekar.  Jafnvel eftir að Liverpool ákvað ekki að áfrýja hefur félaginu tekist að gera sig að aðhlátursefni í fjölmiðlum í Englandi.  Enda með fáranlegri yfirlýsingu sem sérst hefur og rosalega bitur.  Ef allt væri svona ósanngjarnt þá ætti Liverpool að kæra þetta til evrópudómsstólsins í Sviss.  En ekki tala um það og hóta FA um að þeir muni kannski kæra þá.  Sértaklega ekki tala um það í gegnum fjölmiðla.
 
Margir sögðu ætla að fyrirlíta Suarez ef hann myndi vera dæmdur sekur, þeir hinu sömu komu hins vegar Suarez til varnar eftir að dómur hafði fallið.  Sögðu að hann hefði ekkert gert, Evra væri **** og að þetta væru nornveiðar Ferguson gagnvart Liverpool. Ég viðurkenni fúslega að ég var einn af þeim.  Hins vegar hef ég hugsað minn gang og pælt mikið í þessu máli.  Það verður að segjast alveg eins og er að þetta er allt hið leiðinlegasta mál.  Suarez er dæmdur í 8 leikja bann og það að Liverpool hafi ekki áfrýjað banninu segir meira en mörg orð.  Ég held að við Liverpool menn verðum bara að sætta okkur við það að Suarez, þótt skemmtilegur leikmaður og góður í fótbolta, er sekur í þessu máli.  Hann sagði ákveðin orð um litarhátt Evra og því er hann dæmdur. Þetta er ekki FA að dæma hann því hann er að díva sér í ensku deildinni eða til að klekkja á honum og passa að hann leiki ekki gegn Man Utd.  Þeir dæma hann vegna þess þeir höfðu sannanir.  Þetta er ansi hart leikbann, frekar strangt að mínu mati en knattspyrnusambandið verður að sýna fordæmi.  Þeir mega ekki segja að svona hlutir séu bara í lagi.  Suarez á bara að vita betur, hefur búið í Hollandi áður en hann flutti til Englands.  Suarez sagði að hann kallaði Evra bara því sem FÉLAGAR hans kalla hann.  Það er málið, Suarez og Evra eru engir vinir og því átti Suarez bara að sleppa því að segja þetta.
 
Svo að lokum skulum við tala um Suarez bolina svokölluðu.  Þvílík mistök sem þeir voru, kjánalegir og mjög barnaleg hegðun að Liverpool skuli klæðast svona bolum.  Þessir bolir urðu svo ennþá kjánalegir eftir að Liverpool ákvað að áfrýja ekki. Bolirnir fengu svo dökka hlið á föstudaginn þegar menn íklæddir þessum bolum voru með kynþáttafordóma gegn þeldökkum leikmanni Oldham.  Mér er alveg sama hvað hver segir, en félagið hefur frekar mikið ýtt til þess að láta menn vera með fordóma á leikjum.  Þeir styðja mann fram í rauðan dauðan sem var með fordóma, tapa því áfrýja ekki og því er skaðinn skeður.  Þetta er í raun alveg ömurlegt og ég trúi ekki að félagið sem ég hef stutt frá því ég man eftir mér skuli vera með svona afskaplega lélega PR fulltrúa sem tókst í þessu máli að rústa ímynd félagins á örskot stundu. Það þarf enginn að segja mér að þetta mál verði ekki sett upp á baksíðum blaðanna þegar þeldökkamenn eru orðaðir við Liverpool.  Spurning hvort það sé jafn freistandi að fara til Liverpool þegar félagið hefur opinberlega stutt mann sem var með kynþáttaníð.
Svona í lokin þá er fáranlegt að ekki hafi verið gefin út yfirlýsing og tilkynnt að PR fulltrúa Liverpool hafi verið sagt upp störfum.  Það væru fréttir sem myndu gleðja flesta sem tengjast Liverpool.
 
Lítum fram á veginn stuðingsmenn Liverpool, Suarez gerði sig sekan um mikinn asnaskap og ****a hátt.  Menn eiga því að líta fram hjá þessu bulli og styðja liði.  Suarez verður svo að sanna sig upp á nýtt hjá aðdáendum Liverpool og sértaklega að hunsa allt bulið sem mun fara fram á völlum á Englandi gagnvart honum það sem eftir er tímabilsins.
Að lokum vil ég segja að ég mun aldrei segja að Suarez sé rasisti, en hann var klárlega með fordóma og það var þess vegna sem hann var dæmdur. Ég veit einnig að flestir ykkar verði mér ósammála en þetta er mín skoðun og mín sýn á þetta mál.
Með virðing og vinsemd í huga.
Fuglinn

Eina ástæðan fyrir því að LFC áfrýjuðu ekki er útaf því að þá myndi málið bara fara aftur til FA sem myndu aftur velja einhverja 3 gaura til að skoða málið og dómurinn yrði mjög líklega alveg nákvæmlega eins eða lengri.

Fyrstu mistökin í þessu máli eru fyrst og fremst þau að Damien Commoli hafi ekki bara tekið Suarez og Daglish strax saman til dómarans í staðin fyrir að fara fram og til baka.

Seinni mistökin eru þau að Suarez talaði af sér við eithvað Úrúgvæskt blað og sagðist hafa kallað Evra "Negrito". Þar talaði hann af sér en hann fær samt hrós fyrir að vera hreinskilinn. Ef hann hefði ekki sagt fjölmiðlum frá þessu þá hefði málið dáið strax því að FA hafa engar sannanir fyrir þessu nema þá að Suarez viðurkennir að hafa sagt Negrito við Evra.
 
Það kemur skýrt fram í 118 blaðna skýrslunni frá FA að þeir dæma Suarez útfrá því að vitnisburður Evra er meira solid þar sem að FA fá þrjár útgáfur, eina frá Suarez, eina frá Commoli og aðra frá Kuyt.
Þar af leiðandi dæma þeir mann í 8 leikja bann og 40 þúsund punda sekt út frá vitnisburði en engum sönnunum. Það er ástæðan fyrir því að LFC eru/voru að íhuga að fara með þetta til Sviss því að þetta er auðvitað fáránlega harður dómur þegar það eru engar sannanir á borðinu.
 
LFC hefðu bara átt að halda betur um þetta mál og ég vona að þeir geri það næst þegar eithvað kemur upp, hvort sem það er tengt rasisma eða ekki.
 

Flottur og þarfur pistill Fugl er sammála þér og var löngu búinn að sætta mig við að Suarez fengi bann, bjóst samt ekki við svona löngu banni.
 
Mun samt ekki eins og þú kalla hann rasista því það þarf tvo til, efast ekkert um að viðskipti þeirra á vellinum hafi haft sitt að segja, allavega hefur Evra pirrað hann nógu mikið til að hann segði bannorðið.
Ég trúi því ekki að hann hafi sagt svona bara upp úr þurru, eitthvað hlítur að hafa gengið á í þeirra viðskiptum.
Við verðum bara að vona að hann komi sterkari til baka á móti Tottenham og læri af þessu.
Mitt álit á honum hefur ekkert breyst þrátt fyrir þetta enda fyndist mér það barnaskapur, þar sem við höfum sennilega allir gert eitthvað sem ekki hefur átt rétt á sér við aðra svo ekki ætla ég að fara að kasta grjóti úr glerhúsi hvað það varðar. Hann þarf ekki að vinna mitt álit aftur það er klárt nema hann verði staðinn að svona aftur, en ekki eftir þetta eina skipti.
 

Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

Mephz


Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

Skiptir engu máli hvað Evra sagði?? .. en ef hann hefði sagt Hey þú þarna hvíti skítur? Nei bara að spá sonna ... veit að setningin mín byrjaði á "en ef" en hey þú getur ekki fullyrt að það skipti engu hvað Evra sagði.
 
 

Mephz


Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

 
Þannig að þú rífst við sjálfan þig í spegli?

Það var ekki ætlun mín að stofna nýjan þráð til að rífast um þetta mál.  Þetta mál er ekki um dóminn þetta er hversu illa Liverpool hélt á spilunum í þessu mál.  Mephz það eru alltaf til tvær hliðar á öllum málum, þú hlýtur að vera nógu gáfaður til að fatta það.

víðförull

Mephz


Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

Þannig að þú rífst við sjálfan þig í spegli?

 
Það þarf tvo aðila til að rífast en það þarf ekki tvo aðila til að annar þeirra svari með rasisma.  Allt annar hlutur.  Það var algjörlega ákvörðun Súarez að taka upp á þessu og sem betur fer fékk hann makleg málagjöld fyrir.

Ég get sammála. Suarez er ekki kynþáttahatari!

vá hvað ég er sammála þér Fugl, og ber bara nýja virðingu fyrir þér eftir að hafa lesið þennan pistil. Frábært að þú getir viðurkennt þetta. Mjög málefnalegt. Þetta hefur klárlega sett mjög ljótan blett á félagið, sem þeir geta þó lagað aðeins í viðureigninni á móti utd í bikarnum, með því að stuðningsmennirnir hegði sér sómasamlega og fari t.d. ekki að syngja suraez söngva þegar evra er með boltan eða baula á hann.
 
 
En svo finnst mér þetta fáranlegt komment hjá Ecko að eitt af mistökum Suarez hafi verið að tala af sér hjá blaði og viðurkenna að hann hafi sagt Negro. Auðvitað átti hann að viðurkenna hvað hann gerði.

harry_nr_7

Mephz


Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

Skiptir engu máli hvað Evra sagði?? .. en ef hann hefði sagt Hey þú þarna hvíti skítur? Nei bara að spá sonna ... veit að setningin mín byrjaði á "en ef" en hey þú getur ekki fullyrt að það skipti engu hvað Evra sagði.

 
Við hvítir mundum ekki taka það nærri okkur því við höfum aldrei verið lagðir í rasisma fyrir húðlit okkar.  Það væri ekki rasismi, hann myndi ekki særa okkur jafn djúpt og hann særir marga aðra.  Hvað sem því líður þá var Evra ekki með rasisma gagnvart Súarez samkvæmt skýrslunni svo ég tel gagnslaust að ræða það.  Ég get víst fullyrt mína eigin skoðun að það skipti ekki máli.  EKKERT afsakar rasisma, ekki neitt, skiptir ekki máli þó Evra hefði móðgað ömmu hans eða börn að mínu mati (sem ekkert bendir til að hann hafi gert).  Rasismi er óafsakanlegur með öllu og fyrir mér ætti að verðskulda fangelsisdóm.

Mephz

víðförull

Mephz


Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

Þannig að þú rífst við sjálfan þig í spegli?

Það þarf tvo aðila til að rífast en það þarf ekki tvo aðila til að annar þeirra svari með rasisma.  Allt annar hlutur.  Það var algjörlega ákvörðun Súarez að taka upp á þessu og sem betur fer fékk hann makleg málagjöld fyrir.

 
Þú hefur semsagt aldrei verið æstur svo upp að þú hafir gert eða sagt eitthvað sem þú hefur síðan séð eftir?
Smá samanburður Zidane tók það sem sagt upp hjá sjálfum sér alveg upp úr þurru að snúa við og labba til Materazzi og skalla hann í bringuna!
Máltækið góða á vel við þig finnst mér. Það er betra að þegja og vera álitinn ****r, en tala og taka af allan vafa.

"Þú hefur semsagt aldrei verið æstur svo upp að þú hafir gert eða sagt eitthvað sem þú hefur síðan séð eftir?"
 
Nei, aldrei.  Það er líka allt annar hlutur að reiðast og t.d. lemja einhvern útaf því og að reiðast og svara með rasisma í mínum huga.  Ofbeldi er mikið skárra.
 
Kemur ekki því sem ég sagði við á nokkrun hátt.  Hvorki Materazzi né Zidane voru með rasisma svo ég muni.

Mephz


"Þú hefur semsagt aldrei verið æstur svo upp að þú hafir gert eða sagt eitthvað sem þú hefur síðan séð eftir?"

Nei, aldrei.  Það er líka allt annar hlutur að reiðast og t.d. lemja einhvern útaf því og að reiðast og svara með rasisma í mínum huga.  Ofbeldi er mikið skárra.

Kemur ekki því sem ég sagði við á nokkrun hátt.  Hvorki Materazzi né Zidane voru með rasisma svo ég muni.

 
I rest my case

Fuglinn


Það var ekki ætlun mín að stofna nýjan þráð til að rífast um þetta mál.  Þetta mál er ekki um dóminn þetta er hversu illa Liverpool hélt á spilunum í þessu mál.  Mephz það eru alltaf til tvær hliðar á öllum málum, þú hlýtur að vera nógu gáfaður til að fatta það.

Ég hef oft pælt í einu, ef að aðalega hvítt fólk nefnir lit svertingja þá eru það rasistar en það er öllum drullusama ef einhver svartur segir eitthvað um lit hvítra, mér finnst það svo fáránlegt, aldrei skilið þetta.
 
Afhverju er það alvarlegra að segja ,,Hey þú, svarti!" en að segja ,,Hey þú, hvíti!"?
 
Einnig mega allir segja 'White trash' án þess að það séu fordómar, það á bara að vera staðalímynd.
 
Ef að svertingjar vilja í fyrsta lagi að fólk hætti að nota 'N-orðið' þá verða þeir að hætta að nota það við aðra svertingja.  
 Ég hef séð svartann prófessor tala um þetta, hann sagði að það væri til skammar að fólk væri að segja þetta og að fólk ætti að hætta að nota þetta orð og til þess þyrftu t.d. rapparar að hætta að nota þetta orð í lagasmíðum sínum.
 
Eitt enn sem ég vill segja um þetta svokallaða 'N-orð', afhverju er þetta svona svakalega móðgandi við ALLA svertingja? Held að þetta orð hafi fyrst komið sem orð yfir svarta þræla, þetta er svokallað tökuorð frá orðinu 'Negro' sem af eitthverjum ástæðum er ekki jafn alvarlegt.
 
Ég er að ég held kominn langt frá þessari umræðu um Suarez-Evra málið en ég vildi koma þessu inn í þessa umræðu.
 
Bætt við:
Eins og það vita flestir þá er orðið Negro spænska og þýðir svart/svartur.

Frumleiki kannski þú lærir eitthvað:
http://en.wikipedia.org/wiki/Reappropriation

Ég vitna bara í Kenny
 
http://www.liverpoolfc.tv...on-what-lfc-stands-for

Mephz


Frumleiki kannski þú lærir eitthvað:
http://en.wikipedia.org/wiki/Reappropriation

Las þetta og þú ert einungis að svara seinasta hlutanum hjá mér, ég veit að 'N-orðið' er yfirleitt notað til að niðurlægja viðkomandi manneskju en ef þú notar það í sama tón og ef svört manneskja myndi segja 'White trash' við þig þá væri það ekki jafn alvarlegt. Það er örugglega vegna þess að hvítt fólk hefur ekki orðið fyrir miklum rasisma en oft eru svertingjar mjög miklir rasistar í garð hvítra, en fólk tekur bara ekki eftir því afþví að það er í minnihluta.
 
Það sem ég er að segja þarna seinast er að þetta ætti ekki að vera svona mikil niðurlæging fyrir allt svart fólk, ef að þú ert svartur maður á Íslandi og það kallar þig einhver þessu orði þá ættir þú kannski að segja eða hugsa með þér að þetta orð hefur ekki beina tengingu við þig og þú átt ekki að taka þetta til þín.
 
Þetta er mín skoðun, örugglega mjög margir sem eru ósammála mér en kannski einhverjir sammála mér.
 
Ég þekki t.d. fólk sem notar orðið faggi yfir vindla.

Fulginn... ekki taka þessu neitt illa, en ertu búinn að lesa úrskurðinn hjá þessari nefnd sem FA skipaði? Ég spyr bara þar sem þú kemur með þennan frekar mikla pistil um hvað þér finnst.
 
Hjartanlega sammála þér með að horfa fram á veginn, maður er að reyna að rifja það upp að Liverpool FC snýst um fótbolta. Það hjálpaði til að fá draumaleik í bikarnum, grátlegt ef hann snýst upp í einhverja vitleysu og drama.
 
Það væri líka dásamlegt ef menn gætu slakað á mannfyrirlitningunni sem er oft hérna inni, hvort sem hún beinist að Evra, Suarez eða öðrum spjallverjum.  

Mephz


"Þú hefur semsagt aldrei verið æstur svo upp að þú hafir gert eða sagt eitthvað sem þú hefur síðan séð eftir?"

Nei, aldrei.  Það er líka allt annar hlutur að reiðast og t.d. lemja einhvern útaf því og að reiðast og svara með rasisma í mínum huga.  Ofbeldi er mikið skárra.

Kemur ekki því sem ég sagði við á nokkrun hátt.  Hvorki Materazzi né Zidane voru með rasisma svo ég muni.

 
Þannig að þér finnst í lagi að berja svertingja .. en ekki að kalla hann Negro ?
Er ég að skilja þig rétt?

Fyrir það fyrsta, þá er nú augljóst að sá sem skrifar þennan pistil er Man Utd maður, auðvelt að sjá það við smá leit á netinu. Nema að netið sé að stríða manni.
 
En hinsvegar að öðru, þá er kannski mögulegt að PR-liðið hafi ekki haft hlutina algerlega á hreinu en ef maður skoðar þetta út frá mannauðsstjórnunarsjónamiði, þá eru viðbrögðin algerlega til fyrirmyndar. Eigendur og stjórnendur standa með sínum manni sem og samstarfsfólkið. Þeir sjá hagnað í því sem á eftir að koma fyrirtækinu til góða þegar fram í sækir.

harry_nr_7

Þannig að þér finnst í lagi að berja svertingja .. en ekki að kalla hann Negro ?
Er ég að skilja þig rétt?

 
Veit ekki, ertu að meina þetta að maður berji hann af því hann er svartur eða berji hann af því hann gerði t.d. eitthvað við þig/er ****.  Því ef þú berð hann fyrir það eitt að hann sé með annan húðlit en þú er það rasismi.  Mér finnst ekkert að því að berja fólk ef það á það skilið, ekkert sérstaklega fyrir að berja fólk útaf engri ástæðu samt.  Mjög bjánalegt fólk sem gerir það og enn ****legri eru nýnasistarnir á Íslandi sem hjóla í alla sem ekki eru hvítir.

Þessi pistill er þér til sóma. Það er greinilegt að þú hefur gefið þér góðan tíma til að hugsa aðeins um þetta mál.
 
Ég held persónulega að Dalglish sjálfur hafi ákveðið hvað yrði sagt um málið og hvaða taktík yrði notuð. Margir fjölmiðlar í Englandi telja sig hafa heimildir fyrir því að hann hafi ákveðið taktík og hvað væri sagt í yfirlýsingum klúbbsins. Það er ekkert víst að pr fulltrúinn hafi haft mikinn möguleika að gera svo mikið sjálfur.
Liverpool var með reglulegu millibili að leka í blöðin hinum og þessum frösum og fullyrðingum sem síðar kom í ljós að enginn fótur var fyrir þeim. Eins og t.d að Evra hafi sagt við dómarann að hann væri bara að bóka hann af því að hann væri svartur. Líka að Evra hafi kallað Suarez "sudaca". Þetta klúður á pr deildin líklega ein og óstudd.
 
Ég á erfitt með að skilja að eigendur liðsins skuli hafa látið þetta gerast. Ameríkanar skilja vel hvað orðspor og ímynd er mikilvæg. Ég er líka nokkuð viss um að styrktaraðilar liðsins hafi talað við þá um þetta. Ég efast að bankinn sem styrkir liðið sé ánægður með að nafnið á bankanum fylgi með óhemju mörgum greinum og fréttum um jafn neikvætt mál einsog kynþáttaníð. Það verður erfiðara að fá fleiri svartar körfuboltastjörnur til að fjárfesta í klubbnum núna.
 
Mér finnst í sjálfu sér ekki gagnrýnisvert að Liverpool verji sinn mann ef það telur hann saklausan. Maður gerir það hinsvegar ekki með rógburði og lygum. Það styrkir málstaðinn á engan hátt og skaðar bara ímynd liðsins.
 
Það verður erfitt fyrir klúbbinn og leikmannin að byggja upp orðspor sitt aftur. Það eru margir söngvar um þetta komnir í umferð og mörg uppnefni. Ekkert af því á jákvæðu nótunum. Það er langt í að söngvarnir og viðurnefnin verði lögð á hilluna.
 
Það hlýtur að segja margt að enginn hlutlaus aðili styður gerðir klúbbsins eða yfirlýsingar. Ég hef lesið töluvert um þetta mál og ég man ekki eftir neinum sem hefur varið gjörðir klúbbsins sem ekki er tengdur Liverpool beint eða óbeint.
 
Liverpool virðist ekki hafa  hugsað um sína eigin aðdáendur sem tilheyra minnihlutahópum. Hvað heldur þetta fólk að klúbbnum finnst um það? Hvað á þetta fólk að halda þegar það heyrir klúbbinn vera með einhverjar hártoganir um að fyrst þetta sé í lagi í Urugay þá ætti þetta vera í lagi í Englandi.
 
Það sem er þó allra verst í því sem klúbburinn hefur gert, er að hann hefur gefið mörgum sem að eru kynþáttahatarar, réttlætingu á sínum skoðunum. Þetta fólk trúir því núna að klúbburinn standi á bakvið það. Þetta sást síðasta föstudag og þetta hefur sýnt sig meðal annars í öllum svívirðingunum sem Stan Collymore hefur orðið fyrir. Það var mikið áfall fyrir orðspor klúbbsins þegar að myndirnar af mönnunum þremur í Suarez bolunum birtust í með fréttum um leikin á föstudag.
 
Ég held að til að Liverpool geti endurheimt þá virðingu og stöðu sem klúbburinn hafði að þá verði klúbburinn að biðjast afsökunar. Það væri fyrsta skrefið af mörgum.

Smá út úr dúr. Fýlaði Kenny Dalglish þegar hann kom í fyrra og hann leit út fyrir að vera algjört legend og ég var eiginlega bara hálföfundsjúkur að þið væruð komnir með manager sem væri bæði legend og góður stjóri. 
En nú þegar það er svolítið liðið á þessa leiktíð, þá finnst mér hann bara frekar böggandi karakter og með úreltar hugmyndir um knattspyrnu. Þetta byggi ég á því hvernig hann hefur hegðað sér í viðtölum eftir leiki og svona, og svo í kringum þetta Suarez mál. Og þótt mér finnist hann með úreltar hugmyndir um fótbolta, þá er hann samt með ákveðin stíl sem er gott, lið verða að hafa ákveðin stíl ef þau eiga að ná árangri finnst mér, svokallað plan A. Það má vel vera að aðrir fýli svona gamaldagsbolta, en mér finnst hann vanta nokkra punkta hjá sér til að láta liðið spila algjörlega á sínum toppi.
 
Er ekki að reyna að æsa menn upp, Þetta er bara mitt álit á Dalglish eftir þetta season, er búið að leiðast hann alveg hrikalega, eins og wenger nánast. Og Kenny toppaði sig alveg í þessu Suarez og dómaravæli.
Ætla ekki að fara rífast við einhvern um þetta, þetta er bara það sem mér finnst

harry_nr_7

Mephz


Það þarf ekki tvo til, til að einn aðili sé með rasisma.  Skiptir ekki máli hvað Evra hafi sagt, rasismi er ekki afsakanlegur.

Skiptir engu máli hvað Evra sagði?? .. en ef hann hefði sagt Hey þú þarna hvíti skítur? Nei bara að spá sonna ... veit að setningin mín byrjaði á "en ef" en hey þú getur ekki fullyrt að það skipti engu hvað Evra sagði.

Það er alveg hægt að fullyrða um hvað Evra sagði, hann sagði frá því, hann kallaði Suarez "Suramo" sem er fukkyrði á innfædda suður ameríkumenn sem spánverjar nota og er mjög mógandi í spæsku túnumáli, ólikt negro sem er bara lýsingarorð með enga sjérstaka neikvæða merkingu

Þú getur ekki verið sekur nema það séu sannanir fyrir því, það er réttur þinn sem maður í nær öllum löndum þessa heims. Það eru nákvæmlega engar sannanir í þessu máli fyrir utan einn mann, Evra, þá er þetta komið í orð á móti orði og mér finnst ekki réttlát að FA megi dæma mann sekan og leyfa sér mannorðs morð það er of mikið vald fyrir alla nema kannski alþjóðlegan dómstól sem samanstendur af fleiri en 3 breskum te drekkandi mönnum sem við vitum ekkert um.
 
Umræðan um þetta er bara komið í rugl FA ætti ekki að dæma um þetta og VIÐ ættum ekki að dæma um þetta því það veit í raun enginn hvað gerðist  PUNKTUR

Frumleiki


Ég hef oft pælt í einu, ef að aðalega hvítt fólk nefnir lit svertingja þá eru það rasistar en það er öllum drullusama ef einhver svartur segir eitthvað um lit hvítra, mér finnst það svo fáránlegt, aldrei skilið þetta.

Afhverju er það alvarlegra að segja ,,Hey þú, svarti!" en að segja ,,Hey þú, hvíti!"?

Einnig mega allir segja 'White trash' án þess að það séu fordómar, það á bara að vera staðalímynd.

Ef að svertingjar vilja í fyrsta lagi að fólk hætti að nota 'N-orðið' þá verða þeir að hætta að nota það við aðra svertingja.  
Ég hef séð svartann prófessor tala um þetta, hann sagði að það væri til skammar að fólk væri að segja þetta og að fólk ætti að hætta að nota þetta orð og til þess þyrftu t.d. rapparar að hætta að nota þetta orð í lagasmíðum sínum.

Eitt enn sem ég vill segja um þetta svokallaða 'N-orð', afhverju er þetta svona svakalega móðgandi við ALLA svertingja? Held að þetta orð hafi fyrst komið sem orð yfir svarta þræla, þetta er svokallað tökuorð frá orðinu 'Negro' sem af eitthverjum ástæðum er ekki jafn alvarlegt.

Ég er að ég held kominn langt frá þessari umræðu um Suarez-Evra málið en ég vildi koma þessu inn í þessa umræðu.

Bætt við:
Eins og það vita flestir þá er orðið Negro spænska og þýðir svart/svartur.

Afhverju segiru að öllum sé sama um þegar svartir tala neikvætt um lit hvíta? Þú getur ekkert fullyrt það. Að kalla hvíta "snjókorn" "white trash" eða tala neikvætt um hvítt fólk er alveg jafn slæmt og þegar hvítir eru með fordóma gagnvart lituðu fólki.
 
Rasismi og fordómar er aldrei réttlætanlegur, hvort sem það er um hvíta, gula eða svarta. Við verðum samt mest vör við rasisma gegn svörtum útaf við búum í umhverfi þar sem við erum flest hvít. Ef þú byggir í Harlem þá yrðiru var við fordómum og rasisma gagnvart þér og ég ætla ekki að fullyrða það en ég held að flestum myndi líða illa í slíku umhverfi. Svertingjar hafa einnig sögulega orðið fyrir miklu ofbeldi og N-orðið er oftar en ekki tengt því hvernig hvítt fólk níddist á svertingjum hérna áður fyrr. Þannig að sögulega hafa svertingjar líklegast oftast verið fyrir fordómum.
 
Saga N-0rðsins nær langt aftur. Þegar svertingjar voru fluttir til ameríku til þrælahalds þá vildum þeir sjálfir kalla sig N-orðinu en black var þá almennt neikvæð merking til að kalla þá. Þegar barátta þeirra hófst þá varð n-orðið einnig gert að neikvæðri merkingu yfir útliti þeirra, enda snerist þetta allan tíman um það að þeir vildu vera jafnir hvíta fólkinu.
 
Það að svertingjar kalli hvorn annan stundum n-orðinu mun ég aldrei skilja. Þeir eru einfaldlega að leggjast á sama plan og rasistar. Þeir eru að óvirða sögu og sjálfstæðisbaráttu forfeðra sinna með þessu hátterni.
 
Annars vil ég bara hrósa Fuglinn fyrir einn magnaðsta og flottasta póst sem ég hef séð hérna lengi. Vel gert félagi og ég held að þú coverar þessa hlið málsins mjög vel og ég get verið sammála henni að flestu leiti. Þannig það er voða lítið við þetta að bæta.
 
Ég vona bæði að Liverpool og Suarez láti þetta mál sér að kenningu verða.
 
 

Eysteinn


Þú getur ekki verið sekur nema það séu sannanir fyrir því, það er réttur þinn sem maður í nær öllum löndum þessa heims. Það eru nákvæmlega engar sannanir í þessu máli fyrir utan einn mann, Evra, þá er þetta komið í orð á móti orði og mér finnst ekki réttlát að FA megi dæma mann sekan og leyfa sér mannorðs morð það er of mikið vald fyrir alla nema kannski alþjóðlegan dómstól sem samanstendur af fleiri en 3 breskum te drekkandi mönnum sem við vitum ekkert um.

Umræðan um þetta er bara komið í rugl FA ætti ekki að dæma um þetta og VIÐ ættum ekki að dæma um þetta því það veit í raun enginn hvað gerðist  PUNKTUR

 
Það eru tvær leiðir til að sýna fram á sekt manneskju. Sú fyrsta er að þegar manneskja lýgur þá þarf sönnunargögn til að sýna fram á sekt manneskjunar. Hin og sú auðveldari er að manneskjan játar án frekari málalenginga. Mér skilst á öllum að Suarez hafi játað í þessu máli við fjölmiðla í einhverju viðtali.
 
Fuglinn gerir mjög vel í að finna hinn raunverulega sökudólg í þessu máli. PR fulltrúan sem algjörlega klúðraði þessu máli. Fuglinn gerir einnig vel í að segja að fordómar eru ekki í lagi, sama hvar fólk er.
 
Núna skilst mér að einhverjur stuðningsmenn hafi verið með fordóma á Liverpool leik um daginn, að þeir hafi verið í Suarez bolum þegar það átti sér stað. Ef Liverpool hefði haldið öðruvísi á spilunum hefði það leiðinlega mál líklegast aldrei þurft að eiga sér stað.

Samskipti liðsins við stuðningsmenn sína skiptir mjög miklu máli og þar þarf alltaf að halda rétt á spilunum. Sérstaklega þegar kemur að því hvernig klúbburinn vill haga sér og sömuleiðis stuðningsmennirnir. Þetta er alveg örugglega mál sem Henry og eigendur liðsins vilja skoða betur.

Lýsingarorðið "Niger" á latínu þýðist sem svart/svartur. Þar sem að öll rómönsk tungumál eru byggð á latínu hefur orðið "Niger" breyst yfir í Nero (Ítalska) Negro(Spænska og Portúgalska) Noire (Franska). Spænska og Portúgalska eru aðal tungumálin sem töluð eru í Suður-Ameríku og þar sem að orðið "Negro" þýðir einfaldlega "Svartur" þá er það notað í daglegu máli með engum tengslum við hörundslitað fólk. Þar af leiðandi ef einstaklingur ætlar að kaupa sér svarta málningu, svarta peysu, buxur,  borð, stól, sófa eða bíl þá notar hann orðið "Negro" og þessvegna hefur þetta orð ENGA merkingu tengda rasisma í Suður-Ameríku. Auðvitað hefði Suarez átt að vita betur og ef hann hefði fengið 2-3 leikja bann og 5-15 þúsund punda sekt þá hefði enginn kvartað. En þar sem hann er alinn upp við að nota þetta orð í daglegu máli þá er ekki hægt að ætlast til þess að hann noti þetta orð aldrei aftur þegar hann flytur til annars lands. Í hita leiksins held ég að Suarez hafi ekki áttað sig á því hvað þetta orð hefur GÍFURLEGA mikla þýðingu í vestræna heiminum og að afleiðingarnar á því að nota það yrðu svona miklar.
 
Bróðir minn býr í Suður-Ameríku, hefur búið á Kúbu og í Perú og á kærustu sem er frá Perú og hefur búið þar allt sitt líf. Ég talaði við hana í gegnum facebook fyrir nokkrum dögum og spurði hana um þetta orð "Negrito / Negro" og hvernig hún og hennar vinir/fjölskylda nota þetta orð. Pabbi hennar er nokkuð hvítur maður á meðan við að vera frá Perú en mamma hennar er þeldökk og er upprunalega frá Afríku. Allavegana þá sagði kærasta bróður míns mér það að síðan hún man eftir sér þá hefur hún verið kölluð Negrita / Negra/Negro af flestum vinum sínum og fjölskyldu fólki. En það sem undirstrikar það að þetta orð hefur enga þýðingu tengda rasisma í Suður-Ameríku er sú að ókunnugt fólk sem hún hefur aldrei hitt áður kallar hana þetta. T.d ef hún stendur í röð og manneskjan á undan ætlar að hleypa henni þá segir manneskjan "Gjörðusvogvel Negrita, þú mátt fara á undan mér".

Og já, útaf því hvað þetta orð hefur litla merkingu í þessari heimsálfu þá finnst mér 8 leikir mjög hart bann.. 



"En svo finnst mér þetta fáranlegt komment hjá Ecko að eitt af mistökum Suarez hafi verið að tala af sér hjá blaði og viðurkenna að hann hafi sagt Negro. Auðvitað átti hann að viðurkenna hvað hann gerði. "
 
Gazzi, mistökin eru sú að hann átti ekkert að vera að tjá sig um þetta mál. Hann átti ekki að viðurkenna eða neita neinu nema í samstarfi við LFC í viðtali eða blaðamanna fundi með Dalglish eða einhverjum PR gaurum. Auðvitað væri ömurlegt ef hann hefði logið og sagt að hann hefði ekki sagt neitt, þessvegna fær hann credit frá mér fyrir að hafa allavegana sagt sannleikann því að LFC hefðu hæglega getað losnað við þetta mál ef þeir hefðu látið hann bara ljúga...